Kurti pas aksidentit të autobusit me targa të Kosovës: Me ankth e shpresë jemi pranë qytetarëve tanë

10:51 | 25 Korrik 2021
Arbresh.info

Kryeministri i Kosovës, Albin Kurti, ka reaguar pas marrjes së lajmit për një autobus të aksidentuar me targa të Kosovës.

Kurti lutet që të ketë sa më pak viktima, ndërkaq njofton se Ministri i Punëve të brendshme është duke u nisur për Kroaci.

Postimi i plotë:

“Me pikëllim të thellë e morëm lajmin për aksidentin tragjik në Kroaci, të një autobusi me targa të Kosovës.
Ndonëse ende nuk kemi konfirmime zyrtare për detajet, lutemi të ketë sa më pak të vdekur e sa më shpejt të shërohen të lënduarit.
Ministri ynë i Punëve të Brendshme po niset për Kroaci, ndërkaq drejt vendit të aksidentit te autostrada e Sllavonski Brodit tashmë është nisur ambasadori ynë në Zagreb.
Me ankth e shpresë jemi pranë qytetarëve tanë dhe familjeve të tyre në këto çaste të rënda.”/arbresh.info/